Næstum mánudagur, en samt sunnudagur 2 vikum seinna

Hvernig fer maður að þessu? Að bara skrifa aðra hverja viku.....kanski bara ágætt, svo þið fáið ekki leið á mér.
Þann 14 maí mundi ég allt í einu eftir að það var fermingardagur minn fyrir all löngu, sagði við Stig að það eru 30 ár síðan ég fermdist 1967, en hann var ekki alveg sáttur við það, svo ég varð að gefa mig....það voru hvorki meira né minna en 40 ár.....trúið þið þessu? Það mátti nú reyna??
Það var nú voðalega gaman þegar ég fermdist....Rakel (eldri) nefnilega kom mér á óvart í veisluna, ég vissi ekkert, en hún var búin að vera AuPair í London næstum eitt ár, svo þetta var mjög sérstakt fyrir mig...ég fékk bláan blúndunáttkjól frá henni, sem var ekkert smá flottur. Öðru man ég ekki svo mikið eftir, nema tertum og fullt af þeim, jú ég var í gullkjól og átti gullkápu í stíl, það voru fermingarfötin mín.

Hvernig hefur gengið með bílinn minn???? Hann er ennþá hér niðri á bílaplaninu, hann hefur ekki ákveðið sig ennþá drengurinn, samt er hann búin að hringja og tékka hjá Toyota verkstæðinu og þar fékk hann upplýsingar að það þarf að skipta um kamreim þegar bíllinn er keyrður 120 000 km og það kostar bara 3 þús (sænskar) og svo þarf hann að fara í gegnum tékk líka sem líka kostar 3 þús, svo honum fannst það ekki svo mikið....en getur ekki ákveðið sig. Skiptir engu máli fyrir mig.....ennþá.
Síðan síðast hefur verið leiðinlegt veður, mikið um rigningar og "storma" alveg ótrúlegt, en það hlítur að fara að læja, sólin er búin að skína í 2 daga en þetta helv....rok.
Næsta helgi er furðuleg, nefnilega bara hálf hvítasunnuhelgi, en stjórnin tók í fyrra burtu annan í hvítasunnu til að geta haft sænska þjóðhátíðardaginn (6 júní) rauðan í staðinn...alveg furðulegt að taka helgardag burtu þegar 6 júní er færanlegur....hefðu getað tekið einhvern annan burtu eins og 6 janúar (þrettándann) það er eins dagur eða þannig.
Nei, best að skrifa ekki of mikið í einu, reyna heldur að skrifa fyrr næst...eða hvað finnst ykkur?

Sunnudagur

Tími fyrir nýtt blogg eða hvað?
Ég hef bra ekkert að skrifa um, nema að ég ætlaði að selja bílinn minn og Stig líka sinn og ætluðum svo að kaupa einn nýrri saman, óþarfi að vera með tvo bíla þegar minn stendur í bílskúrnum allan veturinn......Einn vinnufélagi hans var áhygasamur fyrir hans bíl en svo var hann of ryðgaður og Ford Mondeo að auki....svo hann varð áhugasamur á minni Toyota Avensis, svo við tókum okkur ferð á hendur síðustu helgi til Karlskoga (25 km) til að sýna gripinn, jú honum leist mjög vel á gripinn en er víst vanur að taka sér langan tíma til að ákveða sig, svo ætlaði hann að hringja og athuga með ýmislegt eins og kambreim og fleira. Ég set á hann 65 þúsund sem er hlægilega lágt en það er bara vel fyrir ofan mat víst en bílasölur hafa þá miklu dýrari og ef ég myndi láta hann upp í annan bíl á bílasölu fengi ég ekki mikið fyrir hann. Nú hann er enn að hugsa sig um......svo ég hef keyrt hann nokkrum sinnum, hef ekki sett á hann bensín síðan í febrúar en það kláraðist um daginn.....enda bensín dýrt. Fór í heimsókn til konu í hinum endanum á bænum eitt kvöld og þegar ég ætlaði heim vildi ekki bíllinn koma með, vildi ekki starta, svo það var bara að hringja eftir Stig og ná í mig og við reyndum að ýta bílnum út úr innkeyrslunni því frúarbíllinn var fyrir innan, það var myrkur svo við létum hann bara bíða þar til daginn eftir og þá startaði þessi elska með startköplum.....en ég þurfti að kaupa nýjan geymi, svo núna er hann fullkominn. Svo er bara að sjá hvað skeður, en þetta eru víst bestu bílarnir segja bílaskoðunnarmenn.....:-)
Annars er bara gott veður, en sólin er dálítið feiminn núna í dag og verður eitthvað næstu daga skilst mér.
Svo er bara að bíða eftir úrslitunum frá Frakklandi...hver verður forseti...kona eða maður?? Ótrúlega spennandi eða hvað?